مرحوم استاد یحیوی اردبیلی
خلّاق جهان گتدی ایجاده اباالفضلی
مرحوم استاد یحیوی اردبیلی
یا مولا اباالفضل (ع)
خلّاق جهان گتدی ایجاده اباالفضلی
ناظر ائدوب اسلامه دنیاده اباالفضلی
.
.
گرداب شدایدده یا ورطه ی طوفاندا
یا بیشه و جنگلده یا کوه و بیاباندا
یا مشرق و مغربده یا ظاهر و پنهاندا
مستخلص اولور هرکس یوز دوندره هر یاندا
گر سسله سه صدقیلن امداده باالفضلی
.
.
بیز گلدوق آلاق مطلب دربار علمداره
اللهی قسم وئروق ایثار علمداره
طاعات شب و روز و افطار علمداره
سو اوسته دو بازوی گلنار علمداره
اول وقته که اوخشاردی زهراده اباالفضلی
.
لطفین ائله سون شامل بو شهر پریشانه
سرتاسر ایرانه کلّیه مسلمانه
با اینکه نگهباندور اسلامیله قرانه
توفیقینی آرتیرسون بو ملّت ایرانه
ایرانه کومک وئرسون معناده اباالفضلی
.
.
عباس آدوا قربان آدونده نه حکمت وار
آدونله عزاداره هر یئرده شرافت وار
قربان سنه جان اولسا جاندا نه لیاقت وار
گوز یاشی سبیل ائتسون بیلّوق اونا قیمت وار
ای گوز سویون ائت احسان سال یاده اباالفضلى
.
سو صحبتی ذکر اولدی ای سو دونه سن قانه
شه تشنه حرم تشنه قالمیشدی یانا یانه
گئتدی گتوره سقّا سو اصغر عطشانه
جام الده خانم قیزلار گوز تیکدیله میدانه
گوزلردیلر اول غملو مأواده اباالفضلی
.
.
تا نائره ی جنگی دعواده قیلوب پیدا
دوشدی قاچا قاچ تاپدی یكباره شکست اعدا
ووردی او اوزون قولار شمشیرینی برق اسا
یول آچدی فرات اوسته مقصوده یتوب سقا
گوردیله ووروب بیدق دریاده اباالفضلی
.
.
سو مشکینی دولدوردی عباس هنرپرور
سعی ائتدی سوسوزلاره تئز سو ویره اول سرور
بیراهه دن اوز قویدی یوللاری کسوب لشکر
ای داد او ساعتدن اولدیلا هجوم آور
شام اهلی گوروب تنها دعواده اباالفضلی
.
.
بحران هیاهوده توز ردّ اولوب هر یاندان
عباس اولوب ظاهر ناگاه نیستاندان
اولموش زره جوشن آلوده قیزیل قاندان
اگنینده لباسی وار علّت ندی پیکاندان
بوکموشدیله بیر پارچا فولاده اباالفضلی
.
.
مین فکر اورکلرده درد و غم اونا همراه
سقا سووا ال تاپسون امداد ائله یا الله
تل اوستن اولوب ظاهر بو زمزمه ده ناگاه
بیر آت یَهَری قانلو اطفالی ائدر اگاه
قولسوز یئره یخدیلار صحراده اباالفضلی
.
.
.
وار یحیوی هر دردون یاز باب علمداره
شاهون طرف لطفی موکول دی او درباره
بی شبهه وزارتدن صادر اولاجاق چاره
سلطان ولایت چون اوغلی شه بی یاره
منصبده وزیر ایتمیش شهزاده اباالفضلی...
✍️شاعر:تاج الشعرا استاد یحیوی اردبیلی