ارباب عشق

انور //  قرعه یاس و اسف چیخدی ابوالفضل آدینا

مشگینه باخدی او سردار برازنده مقام

 سن وار اولسون دئدی منده ئوز ارادمده وارام

کاش بیر گوزده وئروب من سنی سالم آپارام

پیکریندن کی مجزادی ابوالفضلون الی

 قرعه یاس و اسف چیخدی ابوالفضل آدینا

 گوزده گئتدی سودا گئتدی ایکی تیرون بادینا

اورگین غصه دوتوب اصغری سالدی یادینا

دئدی دامانوزه چاتمادی ابوالفضلون الی

 نه لر اولدی یخیلوب سسلدی ادرکنی اخا

سسینی  آلدی  گلوب   قتلگهه   میر  هدا

قطع اولان اللری بیربیر گوتوروب ائتدی نوا

دئدی یارب نه غم افزادی ابوالفضلون الی

بوسه ائتمیشدی اولان گون بو ایکی الدن آتام

سایه سینده دئمیشدی منی آسوده یاتام

 ایش بیله گلدی عدو قویمادی مقصوده چاتام

 ئوپورم قلبیمه یارادی ایوالفضلون الی

زنده یاد استاد حاج انور اردبیلی